【維港會】網民私辦聖誕派對主管得悉後加入 同事褪軚爆口角

又到聖誕，部分企業尤其是外資公司都會舉辦聖誕聯歡會，讓不同階層員工聯誼一番。不過有網民就吐苦水，與同事中午私下舉辦聖誕派對，主管得悉後加入 ，同事得知主管現身後紛紛不去，更有同事因此發生口角。

facebook專頁「奴工處」就有網民投稿，稱與一班比較熟的同事，十幾人想中午在公司辦聖誕派對，一齊用餐、交換禮物，一班人輕鬆開心一下。不過「點知無意中比個主管知道我哋開party，質問我哋做咩唔邀請佢，有個同事A就可能驚得罪佢，就好客套叫佢到時一齊玩」，但其他同事知道主管會參加後，就改口說不出席。最後有三分之一同事不出席。

網民指，「同事B仲鬧個同事A點解要邀請個主管，嘈起上黎，面阻阻咁」。網民就求救，「究竟呢個party仲搞唔搞得成呢？唉，勁煩。雖然我都唔係好想個主管出現，但個同事B都唔洗鬧人掛？如果當時係質問你，唔通叫個主管唔好嚟咩？」

有人就留言，認為「問起都要講架啦， 到時比人踢爆咪仲衰」，有人就覺得與其勉爲其難不如取消，「唔好搞就最好，扮咩friend啫，咁都要鬧人」，有人質疑「又要開party又要小圈子就咪鬼係公司搞啦」。有人就建議，「同事B小氣，同事A應該叫主管一齊參與，然後所有費用主管出」。