【維港會】「2019除夕」變「2020」 旅發局又蝦碌?

總值400萬嘅除夕倒數大抽獎引起唔少市民關注，不過亦有人質疑大抽獎安排。旅發局今日下午突公布改變玩法，改用電郵登記，而非流動電話號碼作登記。到傍晚6點正式開始接受登記，又懷疑死機，大批網民等了又等，等極都等唔到驗證碼。

有等到嬲嬲哋嘅網民就發現旅發局另一懷疑「蝦碌嘢」，大抽獎網頁指「由於人數眾多，請稍後再試」嘅提示，寫有「2020香港除夕倒數大抽獎」，有心水清嘅讀者發現，今日係「2019除夕」，旅發局幫大家跳咗一年？定係一年後先舉行大抽獎?