東鐵內故意除口罩狂咳遭圍罵 婦人辯稱:我都無發燒

武漢肺炎擴散迅速，香港市民人人都戴上口罩防疫。惟日前網上流傳一條短片，一名語帶鄉音的婦人乘搭港鐵東鐵線時，被其他乘客圍罵，指責她在不斷咳嗽時故意拉下口罩，雙方掀起罵戰，婦人期間更鬥氣拉下口罩，拒絕再戴回，又指：「我就係唔戴口罩咁點呀，我都無發燒」。

上載該片段的網民指，自己在乘搭東鐵時，遇到該名婦人疑似扮咳博讓座。有乘客不齒她的行為，指責她的行為，「特登除下口罩咳，咩意思呀你？咩心地呀？」、「全世界都戴口罩啦」、「咁多細路仔」。婦人鬥氣拉下口罩返駁，「你咩心地啊？你又知我咩心地。你理咁多，你照顧自己咪得囉。我點解要除低口罩咳嗽，有我嘅原因。我有感冒我有發燒咩？我就係唔戴口罩咁點啊，我又無發燒」。

之後有市民責罵她「乞人憎」，婦人賴皮地稱：「我係乞人憎，咁點呀？」最終婦人敵不過群眾壓力，只好「死死地氣」戴回口罩。網民對此事也十分贊同，「值得鬧」、「知唔知咩叫顧己及人」。