孕婦生產流11000cc血如同換血 醫生:媽媽有事就多一個孤兒

捐一次血，可以救到三個人，其中可能包括孕婦及新生兒！香港紅十字會在FB專頁「Blood for Life 熱血使命 (HK Red Cross BTS 香港紅十字會輸血服務中心)」分享婦產科醫生的訪問，表示血對產科非常重要，媽媽在生產期間會流失大量血液，「平均每年都會到遇到3、4位孕婦，需要輸10包以上的血。」醫生希望呼籲大家可以透過捐血，成為救人團隊的一份子。

東區醫院婦產科副顧問醫生李灝賢（Dr Diana）加入婦產科十年，她分享孕婦生產時出血最誇張的個案，「我做過輸血最多嘅case，個媽媽喺生產過程中總共流咗11000cc 血，真係一邊流一邊輸，媽媽全身嘅血都已經唔係佢自己嘅。」

Dr Diana表示平均每年都會到遇到3、4位孕婦，需要輸10包以上的血：「如果喺產檢時已經發現有胎盤前置、植入子宮，其實都會加倍留神，但即使做足準備，生產都總會有風險，當子宮唔收縮、或者用盡辦法都控制唔到出血，呢個時候血液同血製品就係最重要最寶貴嘅藥。」

如果大量出血的孕婦沒有及時輸血，或者不足，受害的往往唔止一個人。Dr Diana提到大量出血嘅孕婦特別容易進入「瀰漫性血管內凝血」（Disseminated Intravascular Coagulation）狀態，「準媽媽本身入嚟係一個健康嘅人，萬一媽媽有事，世上就會多咗一個孤兒，爸爸亦都極難獨自去面對。」

正因為明白捐血的重要性，Dr Diana 自己都係一位恆常捐血者，至今已經捐血28 次。她希望大家都可以透過捐血，成為救人團隊的一份子，大家不妨先打電話或者網上預約捐血，準時到達捐血站！

📍捐血站地址、電話及開放時間
（歡迎致電捐血站預約即日及翌日時段）
https://www5.ha.org.hk/rcbts/loc-all

🚍捐血車、流動隊動向
https://www5.ha.org.hk/rcbts/mobile-schedule