小鐵漢凝血指數嚴重超標再入院 醫生：有機會腦出血

患有先天性心臟病的3歲「小鐵漢」，經過5次植入心臟起搏器手術後，情況順利。不過昨日，小鐵漢爸爸發文表示，囝囝覆診抽血檢查後顯示凝血指數嚴重超標，要即時入院重新調藥，大家要再次為小鐵漢打氣啦！

做完第5次植入心臟起搏器手術後，起初因為血液驗出有菌，而需要繼續留院觀察，但6月22日醫院批准他以「渡假」形式回家，慶祝父親節。不過小鐵漢又要入院，爸爸Jayco表示小鐵漢INR凝血指數嚴重超標到危險水平，「理想數字係2.0，但小鐵漢就Over咗一倍，3.9！」醫生表示這個數字有即時危險性，有機會腦出血（中風）或內出血，所以要即時入院重新調藥，調到指數好轉先可以出院。

小鐵漢媽媽表示，雖然平日已經好小心飲食，但「華法林」（曾更換心瓣手術的病人，需要長期服用薄血丸以穩定病情）這隻藥適應需時，特別小朋友，個個體質不同，今次希望快點指數穩定。她形容囝囝仍然精神，其他沒有大礙，小鐵漢要繼續加油呀！