【維港會】港女走入輕鐵路軌打卡 網民公審惹熱議

港產電影《幻愛》成為近期熱話，其唯美的拍攝手法亦令不少本地景點成為打卡熱點。不過有連登網民發文指，有港女為打卡，走入屯門輕鐵路軌，更稱因為無人不需擔心，怒斥她不顧安全。貼文引起熱議，有人批評她無公德心，但亦有認為無須發文公審。

連登網民以「痴X線港女睇完幻愛去屯門走入輕鐵路軌打卡」為題發帖，他分享幾張該港女的社交網站截圖，一張圖中見到她站在路軌中央打卡，而另一張圖則是港女回覆留言，有人提醒她走入路軌很危險，她就回覆「there was no one around so」。發帖網民批評港女行為不顧安全及屬犯法，「最近好多人睇完幻愛去屯門打卡，難得大家咁支持本土電影本應係好事，但係你走入去輕鐵路軌影相就唔啱喇」。

貼文引起熱議，有人認為無需發長文公審，「其實關你咩事」，亦有人認為「輕鐵咁慢，睇清楚有冇車先拍有咩危險」、「佢咁樣影相，危險性仲低過衝燈，冇咩必要公審」。不過有網民反駁「其實佢入去就已經犯左法，你係咪會走去馬路中心影相」、「諗起啲XX亂過輕鐵軌，搞到輕鐵司機唔小心撞左要停牌坐監...唔好以為輕鐵好慢至得架，時速可以上到80撞死你。」