傳內地工作量大減 Angelababy大把時間玩Wakesurf

有指內地影視政策打擊下，主力喺內地搵人仔嘅楊穎（Angelababy）被指身價暴跌，工作量又大減，片酬降至1,000萬人民幣（約1,120萬港元），1,000萬人仔都叫身價暴跌?更指佢要紆尊降貴首次喺個人直播平台開live賣零食、電子產品及化妝品等。

由15年5月婚後至今已經不斷傳婚變嘅baby都冇你咁好氣，身家億億聲，老公黃曉明又大把，冇工開就約埋朋友去玩Wakesurf(無繩滑水)，睇Baby嘅技術應該放咗唔少時間落去，見黃太玩Wakesurf玩得好滿足，旁邊講普通話嘅朋友亦好興奮，身價跌咪身價跌囉。