鍾晴晒長腿獲讚腳趾正　34E胡美貽狂Po性感泳衣相

本港爆發第三波疫情，康文署日前宣佈加強圍封沙灘，以減少人群聚集，但不少市民仍突破圍封入公眾泳灘曬太陽和泳水。近日喺IG亦見到唔少女藝人晒海灘泳衣照，好似陳婉衡、陳詩欣、陳自瑤、陳偉琪等，相信絕大部分都係「throwback」居多，應該冇大膽硬闖沙灘啩……而呢幾日就輪到「新一代咪神」34E胡美貽（Nicole）派軍糧，她連日貼出身多張穿墨綠色比堅尼的靚相，雖然心口有塊網遮住，但隱約仍見到上圍脹卜卜，非常性感，見其身材瘦了不少，她留言笑稱：「這個角度問題，很有問題。」又好坦白地回覆網民，指相中的自己比現實瘦好多，但一眾網民繼續瘋狂讚又Fit又索，Nicole都開心到再出Po：「#TGIF #活在當下 #要不要再來張更高清的」，今日最新上載一張就更Close up，當然繼續獲大家好評啦，但亦有人笑問她仲收埋幾多張？

另邊廂都有不少藝人選擇坐船出海玩，憑《美女廚房》和《3日2夜》彈出的TVB小花鍾晴（Karlie）近年迷上Wakesurf，今日她又出海了，並於社交網貼出甲板上「扮Cute照」，雖然今次沒有拋胸比堅尼照睇，但仍有一雙美腿搭救，巴打們都已經好開心，仲唔少人留言讚：「Pretty toes」、「啲腳趾正到」，大家真係睇得好仔細。