【維港會】網民換購玩具車不滿現裂紋 怒斥超市僅退款反被批

不少商戶都有向顧客提供換購優惠，有網民就投訴，在將軍澳一間連鎖超市換購一輛玩具車後，發現車身出現裂紋，向超市投訴後僅獲答應退款，於是發文怒斥超市令人失望，言論引發網民爭議。

網民在「將軍澳主場群組稱，昨日在將軍澳某超市購物換玩具車仔，「滿心歡喜換到點知返屋企一開就見車上滿滿裂痕」，即時打電話給客戶服務熱線，又在超市facebook專頁留言。據網民提供的對話截圖，超市回應指，車仔反應熱烈，已經換磬，未能為安排換貨，請於7天內帶同當局及貨品到購買店鋪安排退款。

網民不滿超市方面答覆，批評最後還已讀不回。網民堅持，「雖然可能大把人會話係送的，加小小錢唔好咁執著！但每次出唔係俾人搶晒就俾超市員工扣留晒貨，終於搶到一架個種開心興奮的心情大家未必會明，但我抽中的是參差品，我更加無奈」。網民又拋出另外一個理由，指「依家咁個疫情時勢下，心情總帶著點憂鬱灰暗，一架車仔為我帶來的開心同希望大家都未必會明。...真係令我對超市公關非常失望，其實大財團係咁個時勢為港人帶來點點開心，換來大家都開心不是很好嗎」。

網民又諷刺超市，「唔好成日扮偉大之前得一箱口罩...要公公婆婆排長龍好心免費一人兩個派俾佢地仲好啦」、「有錢人就是玩晒 大財團就是玩晒」。

不過其他網民似乎不太受落，認為事主是吹毛求疵，「難怪香港係投訴之都」、「咩車咁巴閉，我屋企好多車仔，我送晒比你都得」、「人哋肯退錢仲想點」。