抗疫在家自學鋼琴 Stephy以奶奶睡衣Look晒BB班琴技

因為要抗疫，香港人都多咗時間留喺屋企，鄧麗欣(Stephy)拍完ViuTV劇《男排女將》後多咗時間，所以一直有自學鋼琴，又長期處於鋼琴BB班嘅佢就決定每日安排一個時間努力練習，佢希望有一日可以喺台上以小學程度(鋼琴技術)自彈自唱畀大家聽。

今日，Stephy冇化妝，着住件好有奶奶Feel嘅睡衣加戴頭箍見晒額頭嘅Look彈咗一首歌，佢問大家，「你們聽得出來是哪一首歌的伴奏嗎？」佢仲話因為冇化妝所以用咗濾鏡拍攝，其實Stephy素顏絕對見得人，唔使用Filter啦，最重要個Filter有蝴蝶喺佢個頭同手飛飛吓，都幾騷擾囉。