【維港會】元朗街市售鯊魚仔28元3條 網民：唔買就唔會絕種

鯊魚因濫捕瀕臨絕種，市面上多見售賣鯊魚魚翅，不過就鮮少見到完整的鯊魚。有網民就見到元朗同益街市出售鯊魚仔，3條只需28元，不過不知如何料理，發帖求問，引起熱議，有人指鯊魚肉非常難食，亦有人批評不應食瀕臨絕種動物。

網民在「食在元朗」Facebook群組發帖，「下午4點喺同益見到，唔知有冇人試過買嚟食呢？好食嗎？應該點整好？」只見一份3條鯊魚，標價28元，已奄奄一息。

不少網民留言指鯊魚肉非常難食，「很重泥味，很難食的，只能滾湯或咖哩」、「鮫魚打魚彈炸球」。有網民就指出街市有售鯊魚仔已經很久，批評趕盡殺絕，「唔好買就唔會絕種......又唔係無其他魚食」、「仍係幼鯊階段已被捉被殺，物種冇得繁衍下代慢慢會滅種。我從未買過不知味道亦不會買，我只覺得不要趕盡殺絕，將來損失的一定係人類。」

有專家指這種鯊魚屬於「侏儒角鯊」。侏儒角鯊屬非保育類鯊魚，一般約18至30厘米，比常見的鯊魚細小。鯊魚代謝的尿素會從皮膚排出，其肉質帶酸味，食用工序較一般魚類繁複。