【維港會】港仍未解禁檢疫 水貨客轉至澳門被批遺垃圾

現時香港與內地仍然未放寬出入境限制措施，從內地出入境香港仍然需要來回檢疫14日。但澳門疫情穩定，廣東已經率先恢復全省居民赴澳門旅遊簽注，同時澳門居民豁免隔離亦擴大至內地各省，兩地人流大增。

不過往日香港常見的搬運水貨人士，亦轉移至澳門。有網民在facebook群組「澳門高登起底組」發相，指「不分早晚水客遺留下來的垃圾」。

有澳門網民就要求市政署加強執法，有人批評「晚晚幾條街都勁多垃圾和紙箱」、「水客搞到清垃圾的伯伯好可憐」，有人擔心「當初有啲人唔覺得係咩問題，日子愈耐問題會更多」。

也有人嘲諷澳門人，「人哋上水居民都忍左好幾年先出聲，唔知大愛包容的澳門人可以忍到幾時」。