【維港會】酒店自助餐暗藏4大伏位 員工提醒第一輪或為隔夜餸

食自助餐總擔心食物不新鮮，不少人會搶食第一輪。台灣綜藝節目《小明星大跟班》日前一集請到多名從事酒店業人士大爆內幕，原來第一輪可能最污糟，更暗藏不少伏位。

1.首輪食或有隔夜餸
廚房會把前日吃剩的食物雪凍再翻熱，反而等第二、第三輪補添時的食材更新鮮。

2. 不新鮮食物用重口味烹調
由於酒店會一次囤積數十箱食材，其中海鮮等食物放得久容易不新鮮，廚房就會改將其烹調成重口味菜式，如咖喱蟹、忌廉焗龍蝦等。因此選擇刺生、壽司等較新鮮及味道清淡的食物更保險。

3. 自助醬料只是用粉調製
食牛扒時不少人都會落一旁提供的醬汁，但很多其實都只是用粉調製，並非花時間熬煮。

4. 自助果汁或含隔夜果汁
和隔夜餸同理，前日飲剩的果汁，酒店或會混入即日果汁提供給客人。相反，選擇咖啡可能較安全，因多數都是即時磨製。