【維港會】老公愛𥄫女𥄫到出晒神人妻感困擾：好唔尊重

2020-10-12 14:18

一名人妻指老公經常在街上「睇女睇到出哂神」，令她感到不被尊重。unsplash圖片

如果你的另一半喜歡「𥄫仔」或「𥄫女」，你會點樣做？一名人妻近日在網上討論區大吐苦水，指老公經常在街上「睇女睇到出哂神」，令她感到「好唔尊重」！

該名人妻在網上討論區「親子王國」以「街上睇靚女」為題發文，抱怨自己的老公經常「睇女睇到出晒神」，更表示「睇唔緊要，唔好睇到定晒人哋都知，我喺身邊真係覺得好唔尊重」，於是上網問大家：「你地老公係唔係咁嫁?」

不少網民都批評這種行為「極不尊重另一半」，而且「對其他女性太無禮」，又有網民指自己不時都會望下靚仔靚女，但不會如此不尊重地「望到出神」。另外亦有女網民分享類似經驗，她指很多年前自己的老公亦會「𥄫女」，甚至有次與小孩及親戚一齊去沙灘，對方竟然想帶望遠鏡去，她實在忍無可忍，便問老公「如果我拖住佢（老公）一邊行街，一邊𥄫仔又得唔得」、「你簡直當我死嘅，喺到落我面！你有冇顧下我感受呀？」，他老公才「知衰」。