行山客斥大叔製丫杈射幼猴家長縱子女石頭樹枝擲馬騮野牛

2020-11-02 16:02

市民要尊重大自然生態，網上討論區「親子王國」有網民發文，批評行山時見到有大叔自製丫杈投擲石頭襲擊年幼馬騮，以及有家長縱容小朋友用石頭、樹枝投擲馬騮及野牛，行為缺德。

網民發文指，昨日行山郊遊在路上長椅休息，一行5個人坐下來觀望住馬騮啃食橙皮，期間突然聽到響聲，發現鄰近一名大叔用自製的丫杈及用地下的石頭射向年幼馬騮。事主於是「即刻叫大叔收手，佢（大叔）仲話怕咩，佢地無性」。

事主同行的小朋友見情況受驚於是立即起行，當去到第二段山路時，事主見到朋友在罵人，原來有些家長縱容小朋友用石頭、樹枝投擲馬騮及野牛，

家長聲稱「啲馬騮想抓返個小朋友，家長即時用行山杖打馬騮」，但事主質疑「你小朋友攻擊馬騮，跟住就話啲馬騮攻擊你小朋友？」事主批評，「行山就行山，請你不要傷害它。到底以上的大叔同家長，知唔知你哋做嘅行為，先導致馬騮攻擊你哋架」

有網民留言，「當見到動物襲擊反撲時，自私嘅人類只會責罵畜生無性，甚至乎有可能被捉去人道毀滅，但其實有冇諗過人類曾對牠們做過咩嘢！牠們被迫慣性面對人類無理對待，但係根本冇人會理這班不能為自己發聲辯護的動物。人類，請你們互相尊重生命」。

也有人有類似經歷，「之前見過純正廣東話大叔，一個人行山，拎啲樹枝掟馬騮，又拎住粗棍打馬騮、兜頭打。佢話唔打馬騮馬騮就會撲佢，我起勢鬧佢，我老公仲報埋警，佢就急急腳走咗」。