【維港會】充2000元八達通 港媽呻兒子為同學代繳402蚊飯錢

網上討論區「親子王國」有港媽發文，不滿13歲兒子在午休時被同學游説，拍了402元八達通代繳飯錢，覺得有可疑。

港媽指，13歲長子的八達通一直維持住約2000元餘額，方便放學、食飯之用。港媽日前一時興起，就將他的八達通用手機拍卡，檢查一下消費了甚麽。港媽竟發現兒子星期五午餐時段拍了4次卡，合共花費402元。

港媽追問之下，兒子才解釋：「呀xx同學話冇錢食飯，問我可唔可以幫佢拍埋，呀xxx同學話冇帶卡叫我幫佢畀住先。」港媽思前想後一整夜，於是問丈夫如何處理好，丈夫於是說：「等星期一睇佢哋會唔會畀返錢佢先囉」。但港媽質疑，「我絕對知道仔口中幾個同學唔會係冇錢食飯嘅！」

港媽就解釋，「入咁多餘額因為有時預地鐵壞咗，佢要搭的士回家，同埋有時佢買書拍卡用...佢好多時去買書，繪畫用品，有時買五六百蚊，同埋預佢有時搭的士回家」。但多名網民質疑是否有需要為兒子的八達通充值2000元，「根本都唔應該入咁多錢，跌左張卡咪煩」、「初中最多只入$200，其他消費過$100都要問過我」。

有人提醒財不可露眼，「我只會同阿仔講，唔好再有下次，再係咁我一星期只會入200蚊落去」、「畀同學知道有咁多錢，你仔就係佢哋後備錢包！」、「唔贊成入咁多，後生仔易唔見，你可畀2000現金佢，等佢自己增值或你每次500咁入畀佢！」

有人認為港媽可以稍安勿躁，「叫阿仔自己追數，否則用自己零用填數，學懂以後唔好咁疏爽。」、「要你仔記得問同學拎返錢，如果對方唔還，當係一個教訓」、「等下星期同學比返錢佢就冇問題啦！冇比錢先諗解決方法都未遲。」