【維港會】外母符水幫孫仔沖涼 港爸心痛嬲老婆無阻止

不少父母因要上班，都會將孩子交由四大長老幫手照顧，但兩代人難免會有代溝，所以在育兒上不時出現分歧。一名港爸近日發文，指剛出世的兒子比較扭計，外母竟以符水幫他洗澡，他直言十分心痛，其妻子以「講唔掂阿媽」為由，拒絕出手制止。

該名港爸在討論區以「外母用符水幫阿仔沖涼，我堅嬲」為題發文，表示兒子剛出世沒多久，因此比較扭計。之後他發現幫手湊B的外母，竟然利用迷信方法解決：「燒道符再用啲灰幫阿仔沖涼。」得知寶貝仔慘被符水沖涼，港爸坦言非常心痛，「心嗱住嗱住」，而且後悔當初沒有聘請陪月。

更令港爸生氣的是老婆的態度，雖然已經跟她提及此事，但她竟以無法說法親母為由，拒絕出手出口制止：「最令我堅嬲嘅係，我老婆竟然話，因為講唔掂佢老母，所以阻止唔到。」

他又指，因為日間要上班，家中又沒有安裝閉路電視，所以從不知平時外母在屋企如何對待兒子。「我老婆控制唔到佢阿媽，佢阿媽話咩佢都話好。我同佢講外母咁做唔啱，佢都只係話我唔理解佢阿媽。」

港爸大呻，連日來面對她們一家人，已經心力交瘁，「日頭要返工，夜晚要捱眼瞓餵阿B夜奶，晚晚都瞓唔到幾個鐘。但我真係好攰，無體力同佢哋全家鬥智鬥力，一個人嘅力量真係有限。」

最後他表示，由於自己親母上班，所以不能夠馬上接手幫手湊BB，所以便在討論區發文，徵求網民和其他家長的意見。

不少網民看過帖文後，部分人覺得外母的行為難以理解和接受，並籲港爸要盡快與她們一家人好好溝通，以免引發更多育兒矛盾，「今日只係沖涼都仲可以隻眼開隻眼閉，最怕係佢用嚟沖奶就大鑊」、「最好盡量避免老人家照顧小朋友，好多爭拗都係隔代寵孫引起，無謂傷了家人感情，外判最簡單」。

亦有人覺得屬「好小事」，如港爸未能認同，應直接與外母好好溝通，「對於咁唔文明嘅方法好難理解，換轉係我都會好緊張，符水沖涼最多係唔衛生，亦唔會落好多灰落啲水度，只要阿b無皮膚敏感，就唔好同老婆嘈」。