【維港會】九旬爸瀨尿全身爛肉味 不孝子女嫌臭召救護員處理

不少獨居長者晚景淒涼，當中很多並非沒有子女，而是子女都冷漠如外人。Facebook專頁「救護雲」就分享故事，指有3名子女為90歲的爸爸急召救護車，救護員聞到爸爸身傳一股如「爛肉」的臭味，估計是瀨尿所致，手腳更有水腫。當救護員著子女幫忙扶他到廁所，他們竟然嫌棄爸爸而連連說不，令救護員不禁慨嘆冷漠得令人心寒。

帖文指，有救護員接到3名子女為90歲的爸爸叫救護車，救護員上門後見到，這位爸爸在客廳中央的一張單人床邊，彎腰向前傾。子女們說爸爸今日不吃飯、不飲水，又沒有什麼反應，所以報警。救護員檢查過後覺得爸爸身體很正常，而且叫他也會有反應。只是爸爸身上有陣「有一陣爛肉同阿摩尼亞味道」，手腳也有水腫情況，「扶病人上床做檢查嗰陣，發現佢啲衫褲濕咗，床都濕哂，估計係賴咗尿。」

爸爸說想去廁所，救護員就叫子女扶病人去廁所，「佢哋話阿爸下體唔正常，叫佢就地解決，驚死掂到阿爸咁」。救護員指病人下體腫脹是因小腸氣，而不是他們口中的下體不正常，但子女不肯幫忙，救護員只好原地處理。

救護員詢問情況，「你哋係咪同爸爸一齊住呀？平時冇人照顧佢㗎咩？」沒想到，子女異口同聲答沒有。救護員著他們幫爸爸換一套新衫褲再去醫院做檢查，但子女竟說，「吓？咁……係咪而家我幫佢換呀」、「咁我係咪要跟埋一齊去呀」救護員終於忍不住責罵，「去定唔去，自己決定啦好冇！」

帖文指，很多時候都見到長者生活好慘，起居飲食都照顧不到自己，但重點不是沒有仔女，「而係啲仔女好似外人一樣，冷漠得令人心寒。」救護員可以做的，就是陪老人家「傾吓計，畀佢哋呻吓。盡量喺短短嘅車程到，畀佢感覺到被人照顧同關懷嘅一絲溫暖」。

帖文引起熱議，不少網民都心痛而又憤怒，「父母養子女， 萬般關懷痛愛， 但好多子女對父母老年時百般嫌棄」、「他朝君體也相同」、「你老豆嚟㗎...老人家始終有尊嚴㗎」。