【維港會】公屋網民「後悔」置業生活反不便 被轟無病呻吟似晒命

上車置業長年都是港人煩惱，但有網民在「香港討論區」發文，聲稱買入一個一房單位後反而「後悔」生活多了不便，寧願留在公屋住，被其他網民批評是「晒命」、無病呻吟。

發文者聲稱，去年底開始睇樓，本身與家人同住公屋，無住屋需要，但因為去年樓市無再大升所以趁機會上車，形容銀行按揭貸款過程都比想像中好容易，由簽臨約去到收樓個半月就辦好。

發文者抱怨，新屋位處九龍區邊緣，不近港鐵站，最近車站要行5至10分鐘路程，搭港鐵車程要成15分鐘，前後要30分鐘才到公司。所以他甚少在新屋住，平時新屋只係當「STAYCATION」（本地度假） ，星期六日才去新屋過夜。 他指「我日日都返屋企人度食飯，起碼有菜食，有湯飲下，好難想像住起我（新居）隔離開放式的中年父婦係點住，日日都食外賣。 」

發文者又埋怨，要交成每平方尺4.5元的管理費，換來只是健身室任玩，還要交每季度2700元的差餉和地租，唯一慶幸暫時不用交電費和水費。發文者形容，「上咗車之後，生活同以前無乜分別，而我上車前，多數去日本旅行，近幾年去歐洲旅行，唔會好似啲人講到要點儲錢上車，上咗車之後又要點慳錢去供樓」。

另外，他置業之後，可以在親戚面前炫耀，前度女友又主動回頭聯絡他，新相識的女士又主動索取電話聯絡攀談，他又可以向同事分享買樓經驗之談，「除咗呢啲之外，唔覺得上咗車仲有咩好處，我發覺cash 就係cash，磚頭就係磚頭，有cash 就有磚頭, 但磚頭未必等於cash」

不過這篇看似是後悔文卻引來不少網民批評，「咁你後悔嘅點係邊個位呢？」、「我讀後感嘅理解覺得應該係佢自我感覺生活指數差咗。」、「請問係你心目中是否要1分鐘落到去先叫近港鐵?仲有你話由屋企返公司30分鐘都叫耐呢啲係咩邏輯?唔通間公司要係你樓下先叫近?如果你係想曬命就直接講啦，唔使講得咁隱晦嘅」、「三十分鐘返到公司你都覺得遠呀？咁你住喺公司隔離啦！」。

也有人質疑帖文只是譁眾取寵，「樓主話:發覺上會好容易，銀行批按揭勁求奇，HKMC即日就批，由簽臨約去到收樓個半月就攪掂...上年我轉按樓價3成以下都要14個工作天批，成個過程都要一個月啦。你仲同佢癲？」。