【維港會】粗心伯顧住執波忘鎖轆 BB連人帶車溜出馬路

馬路如虎口，帶著小朋友或推着BB車過馬路要格外小心。有網民就分享一段車Cam片，見到一位伯伯走出馬路打算撿回玩具球，但疑未有將BB車鎖上腳掣，BB車連人帶車急速溜出馬路，幸好司機已停車才避過一場意外。

有網民在Facebook群組「馬路的事討論區」上載一段車Cam片，並指「BB車係咪要買第三保險？」影片中一架私家車正駛向馬路口，一個玩具波從行人路跌出馬路，一名伯伯隨即入鏡打算撿起，司機也慢慢停車。

伯伯看來從容不迫，但此時一架BB車突然急速從行人路溜出，車上更有一名幼兒，BB車一直撞到私家車車頭才停低，伯伯趕緊上前將BB車推回行人路，並彎腰執拾物品。

有網民直言「希望個BB屋企人認到人下次小心啲，唔係次次咁好彩」、「男人始終覺得波係重要過細路」，亦有人猜測伯伯為BB的爺爺，「所以我成日都話唔好畀老人家湊小朋友，佢地年紀大咗反應會差咗」。