【維港會】夫婦擬5年後退休擁千萬元 憂月花4萬耗盡惹議

不少人勞碌大半生，都是為了可以安享晚年。有網民發文稱，朋友夫婦大約5年後退休，預計有1000萬元儲備，屆時兒子應該大學畢業。但朋友擔心退休後每月花費4萬元，怕日後會見底。

「親子王國」網民稱，有位朋友一家三口，有自住物業，夫婦還有4至5年就到60歲被迫退休，兒子屆時應剛大學畢業，夫婦退休時積蓄連退休金預計約1000萬元。網民有共同朋友10年前已退休並沒有子女，丈夫有長期病，曾透露退休後生活洗費每個月要4萬元。朋友丈夫有擔心退休儲備不夠，於是網民請教如何是好。

有網民就認為當事人應該親自籌謀，「擔心唔夠就惟有繼續做。錢邊有得話夠唔夠，夠使唔夠醫病點計都係唔夠。」、「個個家庭洗費模式唔同，朋友case只作參考，自己生活在香港也不知價嗎？做人要識睇餸食飯，唔係，就多多錢都唔夠退休用。肯落地去實行睇餸食飯，就無會有成千萬去話唔夠，自尋煩惱！」

有人認為月花4萬元是過高，「退了休仍需要每月4萬支出，咁1千萬當然唔夠。但有必要用咁多嗎？其實減半，每月用2萬，那就可用上40年。自己睇餸食飯。1千萬都唔夠退休嘅話，好多人都唔洗退了.... 」、「有一千萬都唔夠退休，我諗好多人要做到99歲」、「你朋友個仔將來會畀家用，點都要有少少。反而你另一個朋友冇仔女，咁就真係要食自己。」、「我成日都覺得好離地，有1000萬還擔心，我兩老30萬都冇咪又退左休20年，不知幾開心，其實睇餸食飯，有幾多咪用幾多囉。」

不過都有人覺得4萬元並非不合理，「有車同用姐姐，一個月都近２萬，當間屋係自己，燈油火蠟差餉地租管理費每月 3千........ 4萬預鬆少少差不多」

有人建議，「可唔可以買年金，好似每100萬就派5000，咁兩個人最多買400或600萬，就有2萬至3萬派到死為止，咁自己仲有400係銀行，咩都夠啦。」