【維港會】10年前喪夫遺囑限女兒成年前不改嫁 港婦遇第二春苦惱應否守諾

網民透露，一名女親友10年前喪夫，先夫在遺囑要求遺孀照顧女兒直至成年及大學畢業時，然而10年過去女親友遇到第二春有意改嫁，家翁家婆則明言一旦改嫁或同居會取回孫女撫養權，網民苦惱應否繼續遵守承諾，引發網民激烈爭議。

「親子王國」討論區有網民發文，女親友早年結婚不久已知丈夫有不治之症，所以一直不打算生育，多年後意外懷有女兒，分娩後一段時間丈夫才病逝。而這對夫婦十分疼愛女兒，妻子30多歲時獨力養活住年僅兩歲的女兒，丈夫怕後父對女兒不好，要妻子承諾在女兒出身自立、大學畢業前不嫁，將大約價值200萬元的遺產、已供滿自住單位歸妻子。當時妻子同意。

發文者指，女親友10年後遇到第二春，認為可託付終身，對方希望與她再組家庭，女方也非常渴望改嫁。

女親友的七旬家翁、家婆雖然知道媳婦已與外人拍拖3年，表明不過問，但如結婚或同居就一定取回孫女撫養權，不肯讓孫女跟陌生男子同一屋簷。「爺爺話親身見聞連親人都刻薄、侵犯親女親孫，佢哋勁驚。所以常常提個孫女，千萬不要單獨同男子一起，連媽咪男友都唔得。所以之前媽咪叫男友幫手接女，個女就打畀爺爺嫲嫲，老人家撲出去接，都唔肯畀人凑。」

但女親友亦堅拒放棄跟女兒一起生活。然而礙於10年前對夫家及女兒許下的承諾，女親友不敢輕言接受，擔心如果違諾會遭夫家指責，但白白錯失這機會，擔心相信日後更難尋覓真愛。

發文者自言，「老實講，我都有個女，爲乜都好我都唔會放棄個女嘅撫養權，包括男人、愛情。爺嫲冇咗仔想要返個孫都可以理解，但祖父母可以冇孫，阿媽不能冇咗子女。我認爲，最好阿嫂個男友肯讓步，或者遲下先結。不過我又有懷疑，想結就是想一齊住。」

有人認為，「真愛對方就唔會為一張紙就分開，除非個男人為咗其他嘢啦！反正都係等多幾年個女成年就得啦！」、「女兒正入青春期，太多顧慮。應該以女兒為重，如果女已經四十多，個男人也不會太年輕，再等多七八年也可以，不一定要結婚吧！」

有人則寧願放棄，「一定會遵守啦！如果樓主親友要愛情，就先放棄麵包吧！把先夫嘅資產＆間屋交還俾男家/女兒」

有人更質疑新歡另有企圖，「一定唔好結啦。個男人想攞個女人嘅資產咋！如果個男人真係愛女人，等多6年，等個小朋友18歲，分返50%畀返個小朋友，先結婚啦。個男人想現在結，就係想吞咗個小朋友個份」。

不過也有人批評先夫無理，「大家唔覺得個先夫好有問題 ？人都唔喺度，仲要限住女方唔可以搵另一半」