【維港會】誕第二胎半個月怒揭丈夫召出租女友開房 港媽自怨：難為捱過百針

聖誕佳節卻遭遇家庭悲劇，有港媽近日誕下第二胎正在坐月休養期間，揭發丈夫自2年前開始，不時召出租女友開房幽會，丈夫還發難拒認，令這位媽媽自怨「一直都有性關係，而且我仲有求必應…我真係唔明點解咁仲唔滿足，我真係傷心到極點，無諗過一個平時準時返屋企，周末會陪小朋友出去玩嘅人會係咁」

「親子王國」討論區有港媽發文，在丈夫手機發現他從2018年開始，在通訊程式找出租女友（PTGF）到酒店開房，甚至是上班時間私下偷歡，還要長期包養。港媽「拎住部電話指住問佢，佢都可以唔認，話係佢同事用佢電話玩，但啲妓女問佢拎賬號佢係俾自己賬號，証據確鑿，我好肯定係佢本人，佢仲發爛話『你唔信我都無計』。」

港媽悲嘆，「我真係唔知點算好？ 我覺得嘅然証據確鑿，佢連基本嘅尊重都無，仲當我白痴咁呃？ 仲講咩話俾同事玩？…仲要發爛渣好似我錯咁！」她自怨，「我覺得自己真係好傻好白痴，呢幾年仲為咗同佢生第二個小朋友不停做體外受孕，夾埋打咗超過100支針，放咗好多次都唔成功，今年終於再抽第二次卵得咗，終於等到順利生埋，以為有幸福日子過，點知BB出世半個月就俾我發現啲咁嘅野，而家我仲坐緊月...身體仲好虛弱我真係唔知點算好，個腦一片空白.... 」、「第二胎我地努力咗好多年...到而家終於實現咗咁多年嘅夢想，有兩個小朋友等佢地可以有個伴成長，喺我以為最幸福嘅時候，點解喺要等BB出咗世半個月先俾我發現啲咁嘅野？ 如果我早啲發現，我唔會做體外受孕咁傷身，唔使搞到而家咁....我唔敢話俾屋企人知...我唔知點面對.... 」。

不少網民送上安慰，「首先你要保重身體，暫時儘可能照顧自己同BB先，唔好理傷害自己的人。」、「呢一刻當然好難接受，畀啲時間自己慢慢消化，睇下自己覺得呢個人仲適唔適合同你過埋下半世，唔使話畀屋企人知住，等你自己有曬準備先講， 聽到你咁嘅情況都好戥你傷心，無論點都好祝福你」。

有人建議事主忍痛離婚，有過來人指「我離咗婚，有男朋友，有份工，生活輕鬆自在，唔會再驚佢幾時又叫，個心好踏實」、「佢認錯, 都仲可以原諒佢..連錯都唔認, 叫人點原諒。你有經濟能力, 走啦..」、「好想比個HUG你。你好偉大，亦明白你為咗生B幾辛苦到頭來係咁結果。坐月對女人好緊要，你要好好保重，我知好難，但係為咗自己為咗BB記得就算訓唔到都閉目養神。我意見係我會即刻離婚，我知道寧教人打仔莫教人分妻，咁樣叫你離婚好似好衰，但我自己係一定接受唔到。你哋會好似以前咁呢？如果你哋之後感情變得唔好，其實小朋友係知道架。再者，你亦唔會知道佢以後會唔會繼續包養，繼續叫，與其係咁，我會寧願自己一個。」