【維港會】不滿12歲女出夜街 狠母當街箍頸拗手體罰如「打摔角」
2020-12-29 15:28 
家家有本難念唸的經，每位家長都有各自的方法管教子女。近日有一名媽媽因不滿女兒擅自出夜街玩，竟在街上箍女兒的頸及將她按在地上，暴力程度猶如「打摔角」，令網民感到相當震驚！
有網民向社交媒體Facebook專頁「生仔要考牌系列」投稿，指自己的兒子有一名12歲的女性朋友，她的母親不讓她出街，但女兒不聽話，照樣外出玩樂。怎料，她的母親剛巧在樓下公園遊樂場發現了她。從網上片段中可見，該名母親當街用身體壓制女兒，包括箍頸以及拗她的手等，期間不斷大聲質問，而女兒就一直捉住遊樂設施的柱，不肯離開，更一度叫母親「攔開」。母女不斷拉扯糾纏約30秒後，母親突然將女兒一把按在地上，女兒大聲哀號，途人亦不斷高呼「阿姨你冷靜啲得唔得呀！」
樓主表示「人心其實係肉做」，雖然知道每個人管教子女的方式都不同，但對於該名母親的暴力行為，她作為母親「真係唔會咁做」。樓主又指，「自己仔女係身上面嘅肉，會心痛。佢只係十幾歲小朋友，每個人都曾經渡過呢個反叛時期，我都何嘗唔係？」
不少網民都紛紛表示不認同該名母親的行為，「你逼到佢返屋企一次，都逼唔到第二次啦」、「做到要cool（箍）頸夾硬捉住佢先逼到佢返屋企，佢都唔會聽你講」、「可以溝通但唔可以動手」、「落街玩姐，洗唔洗郁手」。
不過亦有網民認為不應太早下定論，「一家唔知一家事」、「郁手係唔好，但其實唔知背後咩原因，可能有前因？或者個女有d前科郁過手？好難睇片就下結論」、「唔可以話個媽錯曬，青春期少女受朋輩影響，可能個女已做左啲過左火嘅嘢，阿媽都係唔想個女行差踏錯」。
最新回應