【維港會】的哥東壩出市區坐地起價 50市民團結拒搭

疫情下為遠離市區，假期市民都紛紛選擇到郊外行山，有不少的士司機乘機坐地起價。網上近日瘋傳帖文，元旦日傍晚在萬宜水庫東壩，有的士司機將原價約120元一程的車費變成每位100元。數十名乘客不滿司機的做法，全部堅持拒搭，令司機最終空車離開，團結舉動獲激讚。

「興華茶餐廳」的負責人在Facebook專頁發帖，指元旦傍晚6半左右，他和友人在西貢萬宜水庫東壩準備搭的士離開，正值高峰時間，等的士的人龍差不多有近50人。排隊期間，不少司機高叫「$100一位返西貢市中心」，但原價一架車只要大約120元左右。

帖文指，「司機見到咁多人，都實劏你㗎喇」，但不料就發生團結一幕，排隊的市民竟然全部霸搭這架「人血的士」，有人更大叫「唔係跟錶價錢嘅的士唔會搭」。其中一個司機見無人上車，只好表示「跟錶正價都得喇，快啲上車啦」，但大家依然係堅持「走啦，冇人想搭你車呀」。最後不少坐地起價的的士司機都要空車而回，而有收正價的的士司機更搖低車窗大讚做得好。

網民紛紛讚好，「記得早幾年去過東壩，又係好多人血的士，果陣無人會出聲話佢地，依加香港人真係進步咗」、「團結就是力量。正所謂一隻筷子好易斷，幾隻筷子不能斷」、「香港人核心價值」。