【維港會】涉摸黑擅闖主教山配水庫男子帶齊道具影相教打卡

2021-01-05 14:47

超過百年歷史的深水埗石硤尾主教山山頂配水庫，意外發現罕見的古羅馬式建築遺跡，不少人都建議擱置清拆計畫、做好保育，期望日後可以開放予公眾參觀。不過，竟有網民發現有人晚上摸黑擅闖配水庫，更公然「打卡」放上社交平台！

有網民早前在社交平台Instagram搜尋有關攝影的帖文時，發現有一名男子進入主教山配水庫拍照，而且更帶上造型書燈「打卡」，並寫道「Adventure of a lifetime」（一生的冒險）。樓主表示相當睇唔過眼，認為該男子的行為囂張，「佢仲要好威威咁放埋上ig story，慌死人唔知佢係夜晚擅闖入去」。

更離譜的是，該男子竟將那些相片放到內地社交平台「小紅書」上，教人到該個配水庫「打卡」，令樓主不禁問：「點解一個成百年歷史遺跡會有咁大嘅保安漏洞？咁咪好容易有人去破壞歷史建築？佢咁做有冇犯法？」

事件引起網民熱烈討論，不少人都感到相當氣憤，認為古蹟未有得到應有的保護，「啲居民阻止清拆係為咗保護歷史而唔係畀佢入去打卡」、「如果遲早都被呢班打卡友玩爛，不如直接開放公眾參觀」。不過，亦有網民就覺得，撇開擅闖的行為不說，其實相片的質素不錯，「不得不說影得幾有Feel」、「條友真心影得幾靚」。