【維港會】一家四口外出用膳分枱坐痴身大仔狂喊港媽無奈：似生離死別

2021-01-09 11:23

一名港媽日前與丈夫帶同一對年幼兒子外出用膳，在限聚令下必須分開坐。「生仔要考牌系列」Facebook圖片

新冠疫情下，即使一家四口外出用膳，亦必須分開兩個兩個坐。日前就有夫婦帶一對年幼兒子到餐廳吃飯，期間要分開坐，怎料大仔吃完後便到另一枱找港媽，卻立刻被旁人提醒要遵守限聚令，大仔禁不住大哭，令港媽覺得像「生離死別」，感到非常痛心。

有港媽在社交媒體Facebook專頁「生仔要考牌系列」投稿，指自己日前與丈夫同兩名分別1歲及4歲的兒子，到一個美食廣場用膳。由於限聚令的關係，他們4人必須分開兩枱坐，大仔跟丈夫，細仔就跟港媽坐，兩枱之間相隔一個走廊位。港媽表示，他們點了一個二人餐，一碗給兩名小孩，另一碗則是港媽與丈夫的，「我哋要將啲食物拎嚟拎去咁先share到，同時我哋各自照顧兩個仔，根本自己都食唔到」。

之後，大仔已經把麵吃完了，便走到港媽那一枱。雖然港媽對他表示「唔得呀」，但他仍不斷「扭計」要跟她一起坐，細仔亦要「癡實」，所以港媽索性「開youtube俾兩個仔坐喺度睇」。未幾，一名男子就走過來提醒「有限聚呀」，港媽只好無奈地讓丈夫「『的』返個大仔過返去隔離枱」，怎料大仔竟即刻狂喊。

港媽認為，小孩不能理解限聚令的意思，「好似生離死別咁……真係好痛心！」，「點解會變成咁？我哋一家四口都唔可以安安樂樂食餐飯？」她又指，當時自己其實想湊住兩個小朋友，好讓丈夫可以用膳，但覺得「街外人又點會明白我哋湊小朋友出街食飯嘅辛酸呢？」

港媽又指，可能會有人指「咁辛苦做咩要帶小朋友出街食？」，但她表示「有頭髮邊個想做癩痢」，指出疫情下學校停課、公園關閉，「唔通連出去食個晏都要受人批評？」

於是，港媽當時便跟大仔表示：「喊大聲啲啦，呢度無人會理你嫁，你喊大聲啲啦，無人會話你嘈嫁，而家有限聚你無得同媽咪坐嫁……」最後，港媽那碗拉麵「食咗半碗都無」，她亦不禁表示「只想快啲過返正常嘅生活」。

不過，一眾網民似乎不太同情港媽的遭遇，紛紛表示「人地好心提你你又發晦氣」、「明知有限聚仲要夾硬帶」、「有人迫你哋出街？係屋企食咪唔使嬲」、「你個仔騷擾到人，跟住你唔阻止之餘仲加入一齊去更加騷擾人，然後仲要理真氣壯咁講出嚟比人公審你」、「相信樓主應該覺得自己係悲劇女主角咁款」。

另外，有網民建議應該好好跟兒子解釋限聚令，「小朋友唔明，你做父母係有責任解釋同安撫佢」、「我仔都係4歲，講多幾次就明架啦」，亦有人表示疫情下家長帶小孩外出，可以有很多其他做法，「我都一家四口又係差唔多大，兩個又係勁痴身，咁點，咪食飽先出去行下，到咁上下就外賣返屋企」、「為左唔想分開坐，我會選擇係屋企安樂食」。