【獨家】去年失6個登台20個商演 薛家燕埋單計數仍有錢賺

2020年，全球受疫情影響，唔少人因失業面對嚴重經濟問題，薛家燕去年失去6個大型海外登台及20個商演，但收支仍有盈餘，去年尾仲有幾個廣告作最後「衝刺」，實在非常幸運，她寄語：「人生會有高高低低，有過去艱難體驗，先有成功將來，大家唔好灰心失望。」採訪：方騫平

薛家燕之前參觀靈芝場，了解更多相關資訊先接拍廣告，她說：「疫情下增強免疫力最重要，李居明話我今年會紅鸞星動，我幾十歲點會再嫁？不如期待新抱（陳素怡）有喜，同埋大女珊珊(石祐珊)出嫁好過啦。」去年家燕姐除收入大減外，仲同男友分隔兩地接近一年：「以為聖誕節可以相聚都唔得，好彩透過視像可以日日見面，不過男友都擔心感情會生變，我就承諾唔會，因為我唔係亂嚟嘅人，叫佢可以放心。」

大讚雲姨樣靚聲甜

一向好正面的家燕姐亦有留意極受歡迎的ViuTV節目《全民造星III》，「好似十強嘅Cloud(雲浩影)曾經係我哋少女組合Honey Bees成員，我為佢驕傲，都有傳訊息去鼓勵佢加油。」創辦「家燕媽媽藝術中心」的家燕姐提到少女時嘅Cloud曾多次跟她走埠演出，所以家燕姐對她印象甚深：「佢唔止聲靚，仲跳得好，最重要表現夠淡定，有呢啲舞台經驗，對佢日後發展好有幫助。」