直言後悔離開無綫 許廷鏗首爆與同事涉金錢問題

許廷鏗（Alfred）受訪電台節目《舊日的足跡》，被問到2017年離開無綫被「封殺」可有後悔？Alfred說：「有！最近都有動搖，甚至影響信心。當時我考慮咗半年，因為有一件事一個關口嘅出現，我同一個同事發生咗一啲磨擦，牽涉到金錢問題，如果要合作信賴，我必須坦白講出嚟，高層後期先知道呢件事，但當時冇好好處理。其實我同舊公司係握手言和分道揚鑣嘅，今次係我第一次咁細緻去講離開公司嘅原因，並非想說明自己受咗委屈，其實我對所有幫助過我嘅人冇任何仇怨同不滿，反而多謝佢哋多年來對我有陣時唔成熟嘅包容！」對有不少人覺得他這決定任性，他希望的是創造出有自己色彩的歌。

Alfred跟鄭欣宜以兄妹相稱，欣宜大讚他零死角，他亦大讚欣宜是心目中女神。最近有人提起欣宜35歲便可繼承母親沈殿霞巨額遺產，問到許廷鏗可會請教對方理財之道？他表示做朋友不會講錢，說：「其實佢冇大家想像中咁揮霍，大家平日見到佢咁艷麗係錯覺嚟㗎！佢比我更加貼地，可能會因為一碗30蚊嘅水餃而開心。」另外，Alfred又剖白與前度關係，他曾盼望前女友能現身欣賞其第一次的紅館個唱，結果不負所望。