馮盈盈澄清同西裝男純朋友 鄭衍峰笑對方桃花旺唔使再買

前港姐冠軍馮盈盈感情生活一向備受關注，繼舊愛鍾文浩（Martin）早前宣布與新歡結婚後，又傳出緋聞男友鄭衍峰不滿盈盈拒絕公開戀情最後分手收場。不過裙下之臣一大堆的盈盈完全唔寂寞，日前被拍到與西裝男在意大利餐廳撐枱腳，據指該餐廳擁米芝蓮三星，人均消費最低$1,500，最後由男方埋單。



今日鄭衍峰出席節目《港產旅行團》宣傳活動。問到可有留意盈盈與西裝男約會的報道，他表示活動前才知有這單新聞，但未去了解，亦表示不認識男方。他笑指靚女有人請食飯好正常，坦言自己都會約女仔食飯。問到可有請過盈盈食飯？他表示經常請盈盈在公司餐廳食飯，笑指請了她約二百餐，加起來應該都有3千元。

提到盈盈生活精彩，鄭衍峰自言自己的生活也很精彩，經常去行山。問到會否約盈盈行山？他直言盈盈比較懶，不過他又指近日天氣凍，不願做運動也是正常。問到新一年會否約盈盈一齊買桃花，他笑指盈盈桃花已經好旺，相信不用再買，減少一點會比較好。

而對於有新歡一事，馮盈盈回覆傳媒表示與西裝男是普通朋友關係，約食飯全因自己要向對方請教投資意見。盈盈稱：「只是爆料者無偷拍到前面，誤導了大家，而且同朋友食lunch係正常社交，限聚令只准兩人一枱，依家出去食飯都一定係撐枱腳啦，大家無需大驚小怪，見面食個飯，都要講到係新歡？其實有冇考慮過我朋友感受？我隨時拉低佢可發展對象嘅平均質素，影響到我朋友個market，佢又不是圈內人士，希望大家講我好喇，唔好再打擾到佢。」