【維港會】義工批市民領養浪貓不按指引 網民反轟：當自己係神？

流浪貓貓在外遭受風吹雨打，令不少愛護動物人士心痛，都希望幫牠們找個家。近日有動物義工機構的社交網站批評一位市民，未按機構的領養程序就取走一隻流浪貓，但反而引起大批網民的批評，「咪就係你呢啲人搞到啲人唔想領養囉」。

義工組織「千金一刻」在Facebook發文指，機構一開始解接獲市民求助，有一隻流浪貓位處高速公路兩旁，經常衝出馬路。義工設置捕貓籠後，認為貓貓需要時間及空間才會入籠，故決定「先行開一段時間，但回來檢查時，卻發現不見了貓籠和貓貓。

義工之後收到市民姚生發送的訊息，指得悉貓貓被義工抓走，但他當時經過附近並未見義工，只見到貓貓「猛烈撞擊籠」，「呢位男士話天寒地凍要拎貓貓走，想領養。」本來約定時間和義工交還貓籠，義工要求他再簽申請表和接受家訪，不過雙方交接不順利，「本機構嘅正常領養程序係需要家訪，只係男士一直唔肯留低電話及接受家訪。」最後義工更揚言要報警。

帖文引起熱議，有網民批評義工組織的捉貓手法，「其實點解唔搵人睇住個籠，又或者半夜去收番個籠，有冇諗過浪浪天寒地凍比你哋困住喺籠度食風，捱唔捱得過一晚？」有人就指既然市民有心領養，無謂再走程序，「浪浪本身唔屬於機構，而貓義工本意應該係幫浪浪搵屋企，唔係阻佢搵屋企」、「人哋救咗隻貓，都想養，點解要逼人比返浪浪你」、「當自己係神」。