14歲少年刑毀優品360店判18個月感化 官告誡：與其破壞不如做啲嘢幫人

14歲男童於去年2月24日破壞天耀商場「優品 360」，早前經審訊後定罪，今於屯門法院判刑。水佳麗裁判官連番質問男童犯案後的心情問道：「出左氣喎，打爛人地啲野，應該好開心架？」並告誡男童：「你肯每一日去幫人，而非做破壞，呢個社會會因為你變得更好。」最後考慮到男童有情緒問題及邊緣智力，判其遵守18個月感化令，遵守晚7早6的宵禁令。

辯方求情時指，男童面見感化官時表現合作，坦白承認錯誤，他希望將來可以繼續讀書，日後成為一名咖啡師或廚師，希望法庭能念有男童有精神問題，當日是因衝動犯未，採納感化報告的建議，判處感化令或更生中心。

水官判刑前對男童說：「你有好多不滿，與其去破壞，去做一啲野可以去幫人，你細個唔係咩都做唔到。」並直言不覺得男童為邊緣智力，稱：「希望你既聰明用係啲啱嘅事上。」最後，水官稱因男童有精神及邊緣智力等問題，或者比較容易受朋友影響，加上案件只涉及一次事件，男童當時的角色只是跟隨者，判處18個月感化令。

法庭記者：劉安琪