爆甩拖阮兒心情冇受影響　岑潔儀：佢冇單身煩惱

岑潔儀（Zoey）今日偕許嘉浩（Karl）到上環進行節目直播，席間兩人即場炮製盆菜。談到最近開設了煮食頻道，TVB節目《美女廚房》出身的Zoey，自嘲是「地獄廚神」一名，但自從誕下兩名兒子Damian和Donnie後，加上疫情關係，開始接觸並愛上下廚，成功摵甩此外號。問老公可知道她廚藝差？Zoey即笑稱自己瞞住老公：「因為佢唔係香港人，所以冇睇過節目，以前佢冇讚過我，因為嘢食唔係未熟就係煎燶，入廚時好騰雞，而家真正做到入得廚房出得廳堂。」並謂今年一手包辦團年飯，煮足7道菜宴請阮兒等8位朋友。

對於阮兒近日自爆跟衛志豪分手，問到女方心情如何？Zoey說：「幾好呀，開心，都唔係最近嘅事，一齊食團年飯送舊迎新，新一年有個新開始。」又指阮兒是其「媒人」，介紹她與老公認識，若有「筍盤」也會介紹給阮兒，Zoey續道：「佢靚女身材好，性格又爽朗，男仔都會鍾意，冇單身嘅煩惱。」