【維港會】自私奶奶潛新居「放生」愛貓逼生仔 港女嬲到一巴車埋去

養寵物就應養牠一生一世，這是身為寵物主人應有的責任。不過，近日就有港女的愛貓慘被奶奶故意「放生」至後山，目的竟是為了「有孫抱」，令港女及其老公都非常憤怒，網民亦斥該名奶奶實在太自私！

有港女早前在網上討論區「香港討論區」，以「我新屋裝完修，奶奶借機上我屋企，趕走咗我隻貓…」為題發文，指自己剛與丈夫裝修完新局，目前正在清理中，為了讓愛貓適應新環境，遂帶牠到新居先行居住。不過，她的奶奶原來一直都不滿她與丈夫養貓，認為是因此而「唔生仔」，「其實我哋一早講咗唔想生。我本身都好驚奶奶搞我隻貓，所以一直都唔想畀佢上屋企，佢上屋企一定要有我同老公喺度先畀佢上。」

不過，日防夜防，最終還是讓相當有「決心」的奶奶得逞。港女表示，奶奶近日經常想到他們的新居「執吓嘢」，但他們感到奇怪，所以一直都沒有將鎖匙交給對方。怎料奶奶竟自行配了鎖匙，偷偷潛入屋內，「我今日返屋企見到度門打開咗已經覺得唔對路，入去先見到奶奶係度唔知做緊乜。我個心震咗震，立即去睇下個貓籠，打開咗，之後我搵晒成間屋都搵唔到隻貓，我奶奶先施施然話喺後山放生咗隻貓」。

港女之後即時反鎖奶奶在家，並上山尋貓。不過找尋足足數小時，最後都沒有發現愛貓的蹤影，回家後更遭到奶奶指罵，「佢話驚隻貓整爛啲新嘢，又話咁係為我哋好，唔好養貓生仔啦，養貓對個仔唔好，一邊數臭我隻貓，一邊鬧我，一邊又叫我生仔」，港女聽後實在非常氣憤，便忍不住「一巴車咗埋佢度」。

港女表示，該隻貓貓她由細睇到大，「全家都好鐘意佢」，更視牠如家人，決意要養到牠百年歸老，「點知就比奶奶放生去後山......佢咁老真係捱唔到幾多日......」

網民看後都怒斥港女的奶奶猶如「殺貓兇手」，「又係啲自私奶奶」、「呢啲叫偷嘢，佢根本無權入你屋」、「呢次真係要同奶奶斷關係，真係太過份」、「叫佢想抱孫，就拎返隻貓出嚟」、「真係自私到一個點」，更有人提議港女報警。