【維港會】自私婦為免帶菌入屋 每日鄰居門前揈腳拍袋

疫情下市民衛生意識大增，不少人為怕出街後將細菌帶回家，進屋前都會噴酒精消毒，不過有人的防疫方法，竟然是把細菌播去鄰居家。有網民就上載閉路電視片段，指鄰居大媽每次回家前，都會先在鄰居家門前拍身、揈腳，被斥自私。

網民在「巴打絲打Facebook Club」群組上載閉路電視片段，「大家會唔會有啲咁自私嘅鄰居？」網民指每日大媽會特登別人家門口拍身、拍鞋，再回自己家  ，「佢自己嗰邊有垃圾房又唔會用，會行去人哋另一邊丟用過嘅紙巾」。網民表示已和管理處投訴過，也找過區議員，但都無用，「每日如是，救命！」

不少人都留言批評，「太天真同太傻，咁樣拍下拍下就可以拍走病菌病毒咩？」、「病毒四圍走，大家一起有事，唔通佢間屋同佢都高人加持有抗體 ？」更有不少人也遇到無品鄰居，「我嗰層又係有條友揼垃圾我呢邊，自己嗰邊唔揼」、「我個鄰居仲恐怖，佢係日日都係要喺我個鐵閘嗰度搞嗰啲單車啦，跟住又要特登呢喺我屋企出邊開淘寶」。