洪永城盼明年結婚派雙封利是 梁諾妍跑步第一次拗柴

洪永城（Tony）新春首日開工，預算派4位數（以千計）開工利是，又爆金句說：「希望大家新一年賺到、儲到、身體好！」Tony表示新年至今已做了3日運動，由於吃太多賀年食品，做瑜伽時被大肚腩頂住。問到何時結婚派雙封利是？Tony不諱言拜年時屢被催婚：「希望明年派啦！（求了婚？）目標啫！」
此外，Tony開心演出獲網民稱讚，暫定4月會開拍新劇，與鬼怪有關。笑問是否有意挑機韓國男神孔劉？他笑說：「我又要心口插住把劍呀！」

另外，女友梁諾妍是長跑好手，不過昨日她在社交網上載腳傷照，留言：「Touch wood跑步以來沒受過什麼大傷 今次衰喺跑落數碼港的行人路上 條路裂開咗 咁啱我又要喺呢個時候除衫為了吸多啲陽光 然後除衫那一秒睇唔到路那一瞬間 隻腳就咁GG了 好在食過夜粥 如果唔係實仆埋落地 其實第二日已經出瘀 距離復出跑步不遠矣 #第一次跑步拗柴 #唔拗唔長大」