林子善怕疫情唔願出街黃祥興為好兄弟一家親自下廚

2021-03-01 14:30

同為人父的黃祥興與林子善一向老友，兩家人常有活動，曾經營法國菜餐館的黃祥興之前就邀請子善一家到家中作客，更親自下廚煮嘢食，相當有愛。

林子善今日在IG分享了與好兄弟黃祥興及其家人聚會的合照，留言：「呢個兄弟真係唔話得，成日會掛住我要同我一家食飯，我話怕聚會怕外出佢一句說話，兄弟你嚟我屋企我煮嘢俾你食，佢就係一個咁嘅人love you。」相中，子善抱起愛囡Jasmine及祥興的囝囝Tristan，而黃祥興則抱住愛囡Paige及細囝Damien，場面溫馨。

之後祥興又留言讚子善充滿正能量：「你份人咁鍾意講笑，永遠冇冷場有咁正能量，見多啲都冇所謂啦」。子善則回應：「我唔係對個個都係咁㗎。」重點係子善利申張大合照係之前影嘅，明㗎嘞。