【維港會】港媽朋友經常晒小孩照片逼人睇 網民大呻「攞命」

媽媽十月懷胎後終誕下孩子的喜悅，並非人人都懂。有網民指，有一名港媽朋友，每次聚會都喜歡大曬其小孩的照片及影片，完全不理大家是否感興趣，令她感到相當無奈及困擾。

有女網民早前在社交媒體Facebook專頁「生仔要考牌系列」投稿，指自己身邊有兩名朋友生了小孩，但其中一名就非常「攞命」，不但在Facebook及Instagram上載小孩的照片，與朋友聚會時更會不斷逼別人看，「一見面佢又開返嗰啲相出嚟，係咁叫你睇。睇完相，又要睇片」，重重複複，開口閉口都是「我個仔……」或「你睇下，好得意㗎佢」。

樓主表示，只要朋友圈中的話題一結束，該名港媽就會把握機會繼續曬小孩的照片，但其實根本沒有人有興趣，有些避免尷尬或不好意思叫對方閉嘴，都會敷衍回應一下：「哦係呀？好叻喎」，有些則「聽聽下應都廢事應」。

樓主續指，如果是一班媽媽傾「湊仔經」的話還好，但當時坐在一起的朋友中就得該名港媽有小孩，於是認為「好心呢啲嘢留返去媽媽group或者同啲媽媽FD（friend）慢慢傾飽佢啦」。樓主又表示，希望該名港媽「唔好再逼人重複又重複睇你個BB啲相/片」，因為若要別人出口指「唔想知」、「唔想睇」、「唔覺得有幾得意」，就會相當難為情。

網民看後，都紛紛認同樓主所言，「間唔中傾下無所謂，但一大班人講緊啲同細路無關既（嘅）話題，都格硬要拉返去『我個仔呀xxxx』度，真係有少少煩」、「有好多女同事都係咁，日日都稟神咁稟佢啲仔女呀，老公呀，工人呀，比其他人聽，其實無人有興趣知」、「我好怕嗰啲呀媽生完，全個世界得佢個小朋友，出面所有野（嘢）都唔知」。

不過，亦有網民認為樓主的說法及做法不太妥當，「其實如果真心係朋友，唔想聽咪照直講囉，你唔講佢點知呢？」、「好朋友分享下啫～咁都咁大意見？係咪唔抵得呀？」、「唔好話生仔，好多時養寵物、買左（咗）心愛嘅嘢，睇左（咗）咩戲等等都會開心share，咁總有嘢係唔啱大家聽、講。雖然佢係講得太多，但作為朋友提出下都冇壞」、「如果真係朋友，樓主應該關心下呢位朋友，佢既（嘅）生活除左（咗）小朋友，已經無其他野（嘢），咁好容易有情緒病」。

「生仔要考牌系列」原文