【維港會】貨倉同事被炒後稱撞車失憶 突然返公司求復工

人在職場上總是充滿奇趣的八卦趣聞，有網民在社交網分享公司有同事被解僱後，半個月後再次出現公司，並自稱早前撞⾞造成局部性失憶，完全無印象已經離職，所以再返公司開工，更承諾將來⼀定聽聽話話，俾心機做好呢份⼯。

網民在《辦公室日報》專頁分享，指公司貨倉部門有個同事「阿偉」，因為做事無交帶，整天遲到曠⼯，令到上司忍無可忍將他解僱。被炒之後半個⽉，有⼀個早上突然⾒阿偉在公司出現，起初該網民不知發生什麼事，以為只是回來拿支票。原來阿偉自稱早前撞⾞造成局部性失憶，完全無印象已經離職，所以才回公司開工，當知道真相後即刻求上司可給予多次機會，更稱無印象以前經常遲到，承諾將來⼀定聽聽話話，俾⼼機做好呢份⼯。最後上司因為暫時未請到人，就留他繼續工作，他亦承諾會帶醫生紙回來，但到了第二日阿偉再次「⼜消失風雨中」。

網民搞笑問其他同事，「咁究竟阿偉⽽家係真失憶，復⼯後第⼆⽇唔記得⼜要返⼯，定係恢復咗記憶，記得⾃⼰已經唔使返⼯呢？今⽇冇返⼯係失憶定有返記憶呀？」

其後網民指在阿偉消失一星期後，有「⼤⽿窿」打電話追數，過幾天更有幾位惡形惡相的大漢到公司找他。謎底亦終於解開，原來阿偉上星期去三四線財務公司借錢，但阿偉第⼀期已經冇還，所以搞要打電話甚至上門追數。至於當日他自稱失憶返工，原因是因為財務公司要打電話確認他的工作證明，所以特意「扮失憶」返工，親⾃接電話確認。在拿到錢後，⼜⼀早無打算還，所以第⼆⽇就無再返來！網民更稱事隔半年，已經無人再找到阿偉。

網民都留言紛紛表示驚嘆，「真係奇人奇聞！我真係一世都估唔到會有啲咁嘅人！」，「真實果真比小說更離奇！」，還有網民表示，「其實佢要唔要去考慮下做演員或者編劇, 唔好嘥咗佢呀嘛咁有天份！」

資料來源：辦公室日報