影評人之選大獎再封視后 安雅泰萊采兒High爆伸脷引死人

Netflix劇《后翼棄兵》於去年10月上架，短短28日已錄得超過6200萬用戶收睇，成為該平台歷來最多人收看的迷你影集之一。劇集收得同時亦深得頒獎禮評審喜愛，於金球獎奪得最佳迷你影集或電視電影，24歲扮演天才棋后的安雅泰萊采兒（Anya Taylor-Joy）更一擊即中首度榮膺視后。

而係剛舉行的第26屆美國影評人之選大獎（Critics’ Choice Awards），Anya就繼金球獎後再度奪獎，憑《后翼棄兵》在迷你劇及電視電影組別中獲封視后。


辛苦拍劇後演技受肯定又爆紅，視后喺影評人之選大獎後舉行的After Party玩得好開心，凌晨四點繼續郁身郁勢，披住啡色毛毛連帽外套，帽上還有耳仔，佢係咁舉高手，又用帽遮住個樣，遮遮吓又揭高畀你睇吓佢個樣，最後仲伸埋脷，呢一連串cute爆舉動，應該flirt到唔少人入坑。