《一秒拳王》設口述影像版　周國賢籲買飛入場撐港產片同戲院

由周國賢（Endy）主演、趙善恆（恆仔）執導的電影《一秒拳王》，原定去年12月3日上映，未料遇上第四波疫情，戲院勒令閉關兩個半月，直至上月中才得以重開，《一》片終於在明天（11日）全港公映！Endy、張建聲及天才童星熊倬樂也特地拍片，鼓勵觀眾入場支持《一》片，同時捍衛香港戲院及純香港電影，Endy說：「大家記得買飛入戲院支持之餘，亦希望大家支持我哋嘅本土文化產業，喺咁艱難嘅環境底下，希望我哋都要更加守望相助，一齊撐落去，加油。」

至於張建聲表示：「我知道疫情下，對我哋全球嘅市民，甚至各行各業都非常唔開心，尤其電影業進入咗寒冬階段，有戲院甚至要關門（結業），冇辦法嘅，但我相信我哋香港人可以捱得過，希望疫情盡快退卻，回復正常生活，同時希望香港觀眾能夠入場支持我哋港產片，令戲院繼續正常地運行落去。」最後，熊倬樂提到明日是恆仔的33歲牛一，他叫大家記得入場支持《一》片。

此外，除了一般的觀影版本外，3間戲院包括九龍灣The Metroplex星影匯、沙田新城市廣場Movie Town和尖沙咀K11 Musea更提供口述影像版本，讓視障人士也能欣賞《一》片！