【維港會】溫馨小巴放滿零食贈小乘客 網民感恩港人還有愛

在日常生活中，不時會遇到一些熱心人士於社會上送溫暖。近日就有網民表示，帶小朋友坐小巴時，發現小巴司機位旁邊的一個籃子中放滿了零食。詢問後得知該名小巴司機特意在車廂內放了一堆糖果及零食，給車上的小乘客，令該網民不禁感恩，「香港人仲有愛！」

有網民於「靑依 TsingYiers -青衣社區報」分享指，日前帶小朋友出街乘坐小巴，上車後小朋友就被司機位旁的零食吸引。該名網民亦直言，「講真，作為大人嘅我都忍唔住將目光停留喺呢一大堆零食上面。我第一個念頭就係諗，『唔通409K開埋小賣部?』。」再細心一看，在籃子中，除了珍寶珠糖、KitKat朱古力、紫菜之外，還有茶包及胡椒粉，令他不禁猜測，「唔通真喺司機嘅員工福利，但喺司機們都喺大男人 (甚至係阿叔阿伯)，呢啲朱古力同糖真喺員工福利？」

其後，該名網民在落車前鼓起勇氣問司機，「點解會有咁大堆零食嘅？我個女由上車就一直望住喇。」司機就回答，「其實係請小朋友食㗎……妹妹，你都揀一樣吖！」小朋友聽到後反應十分興奮，更幫哥哥拿多了一枝珍寶珠！該名網民感性地認為在這個社會情況下，司機哥哥的窩心的行動為小乘客送上一點甜，令他感受到香港人的愛，「司機哥哥為咁啱遇上嘅小乘客送上一點甜，足以令小乘客開心半日。而我，亦都收到『禮物』，係令我感受到香港人仲有愛！」

帖文亦隨即引起網民的熱論，不少網民都表示是這位司機的常客，「小朋友好鐘意坐呢架小巴，佢地好開心，司機哥哥好好人，好有愛心同禮貌」、「智哥好好人架...手車仲好定好舒服...手車同其他司機唔同...」，亦有網民大讚司機的行為十分有愛，「人間有愛!」、「見到咁多零食，大人細路都會覺得好開心，司機好有愛！」

資料來源：靑依 TsingYiers -青衣社區報