【用牛脷酥整？】Eric Kwok師兄流晒口水　謝霆鋒技癢出手整全牛漢堡

近年轉戰飲食界的謝霆鋒把個人飲食品牌「鋒味」搞得有聲有色，其廚藝天賦更得到業界認可，分別於2016年和去年兩度獲封「米芝蓮之友」，他亦不時在網上分享創新料理。近日，看到好友Eric Kwok（郭偉亮）與劉浩龍（師兄）拍片，化身「Burger hunter」走訪各區試食漢堡，一段時間未晒廚藝的霆鋒表示技癢，所以決定拍片教大家整「牛漢堡」，並於昨晚將短片上載到IG，他留言：「兩位 burger hunter，出得去試不如我整比（畀）你地（哋）食啦！嚟個全牛burger，開唔開心？興唔興奮？」

片段一開頭，霆鋒表示配合牛年整個「全牛漢堡」，本來打算用牛脷酥製作，可惜自己唔識整，惟有改以牛尾、牛舌、牛筋、牛蒡及牛肉炮製。鏡頭一轉，拎住火槍的他先用火燒灑上鹽、黑胡椒的雪花牛肉，再塗上日式烤肉醬；之後用碳爐燒厚切牛舌，又用紅蘿蔔、西芹、洋蔥、蒜頭、酒及黑醋等炆牛尾，霆鋒夾雜住英文說：「牛尾本身啲膠質好滑，同平時Burger嗰個Patty『鞋鞋』哋會有好大Contrast。」隨後快鏡砌漢堡，最後以牛蒡作配菜，成功做出一個外觀精美的「全牛漢堡」套餐！

兩位兄弟見狀即留言，Eric Kwok表示很期待品嚐霆鋒親自炮製的漢堡：「流晒口水啦！我同 See Hing 等你返嚟整畀我哋食。」師兄亦邀請霆鋒一起拍片食漢堡：「Burger hunting 呢個環節！冇你點得啊！唔該返香港再做一次，我同Eric要現場食。」不少網民都表示好想食，又大讚霆鋒好有創意，不過都有人錯Fo說：「真係好後生」、「你是最帥的burger hunter」。