【原來識笑】Cool爆母子齊晒笑容照　Victoria出千元「快樂Tee」𢱑銀

「碧咸嫂」Victoria Beckham設立其同名品牌多時，近年經常有指她的時裝生意蝕錢。昨日（20日）是「國際快樂日」（(International Day of Happiness），Victoria就乘機推出「快樂日Tee」，不過，呢件白色底、印上「FFS SMILE」字樣的T-shirt居然索價逾1,000港元，認真識做生意！Victoria又出動兩名兒子Romeo及Cruz做生招牌，再IG貼出兩人穿着此T-shirt的照片，並留言笑道：「Like mother like sons.」不少網民仲紛紛指兩個寶貝仔愈來愈似媽咪。

至於經常擺出一副「厭世臉」的Victoria，亦趁「快樂日」在IG Story展示自己多張滿面笑容的照片，還笑稱這是自己識得笑的證據，當中不乏童年照、度假照、與老公碧咸晒甜蜜合照、溫馨抱B照等。其實Victoria早年也解釋過，她之所以唔露齒笑，全因自覺對時尚界有種責任，她表示：「我不想被人看到我笑、玩樂或進食。」更一度推出大受歡迎的「Fashion Stole my Smile」（時尚偷走了我的笑容）T-Shirt。