【維港會】工人姐姐同住十幾年辭職回鄉結婚 網民不捨爆喊贈數萬元嫁妝

不少雙職家庭都聘請外傭代為打理家中的大小事。有網民早前於討論區分享，工人姐姐因要結婚而辭職離開香港。因多年朝夕共處，該網民直言已當了對方為親人，回想起昔日生活的點滴，令他大感不捨，但他仍然希望對方可以得到幸福，更打算給幾萬元作嫁妝，希望她可以風光嫁人。

有網民於「連登討論區」發文指，照顧自己多年的工人姐姐淚流滿臉向他表示，準備辭職回鄉結婚。樓主聞言心情複雜，「我側頭笑住講，好戥佢開心，但個心好似飛咗出身體咁」。樓主坦言因早已將她當成親人般看待，十多年的朝夕共處，是與他相處的最多的人，「其實一早已經當咗佢喺親人，佢喺呢十幾年同我相處最多嘅人」，「同我傾計、照顧我 、喺我溫書做嘢嘅時候拎湯比我飲、分咗手嘅時候又安慰我」。工人姐姐坦言，「佢一半嘅心分咗喺我哋屋企」，因此無法向其他家中成員開口，希望樓主可以代為轉達，而樓主亦表示，「以家喊完今晚先可以笑住同人講呢個好消息」。

樓主透露外傭姐姐的結婚對象，是她以前讀書暗戀的一個男子，後來該名男子離婚後，與工人姐姐「撻著咗」，平日靠視像通話聯繫感情。他又提到，工人姐姐已30多歲，到了適婚的年齡，雖然大感不捨，但仍然希望未來老公可以善待她，並打算給幾萬元作嫁妝，希望她可以風光嫁人。

帖文亦引起不少網民的迴響，不少網民都表示與樓主經歷感同身受，紛紛憶起當年與工人姐姐離別時刻，「我都試過，一出世就喺佢照顧，佢做咩我都痴實佢，仲親過父母，佢走嗰日我用被冚住自己喊到傻咗，最後一刻都講唔出再見」，亦有網民表示能與工人姐姐感情深厚非常難得，更建議留下聯絡方式以維繫感情。

有網民表示，擔心工人姐姐會遇人不熟，叫樓主應提醒她要小心，而樓主亦回應，「其實我都好驚，但只能提佢要keep私己錢，廢時婚都未結就搞到佢疑神疑鬼，無哂憧憬。」

資料來源：連登討論區