【維港會】女童巴士上大哭「港女式求愛」 母親冷漠回應惹議
2021-03-23 12:04 
年幼的孩子普遍渴望得到父母的愛護與關注，不過有些父母卻會選擇冷漠回應。有網民指日前乘巴士，遇到一名女童大哭並要求她的母親說「我愛你」，但對方竟表現得愛理不理，甚至叫女童「咪嘈」，引起網民熱議！
有網民在社交媒體Facebook專頁「生仔要考牌系列」投稿，指某天搭巴士時，聽到一名就讀幼稚園的女童又哭又叫，指覺得母親「唔愛佢」、「剩係識打我」、「我愛你，點解你唔講你愛我」，又要求對方「講你愛我呀！」，揚言否則便會離家出走。
不過，該名母親似乎對女童的「控訴」不為所動，只冷漠地表示「咪嘈啦，好煩呀，返屋企先同你講」、「你再嘈，你聽日就自己一個坐車返學放學」、「我邊度唔愛你啫！你走咪走囉！」
樓主表示，除了對女童年紀輕輕便有「港女式嘅trust issue（信任問題）」，以及可以清晰表達自己外，亦對該名母親「可以用港男式hea答mode（模式），hea足半個鐘都未知個妹（女童）想點」感到驚訝，認為女童只是「想聽你講句『我愛你』啫」。
事件引起網民熱烈討論，不少人都認為該名女童相當可憐，認為其母親應該好好愛護她，「好慘，其實所有小朋友喺細個嘅時候表達愛嘅能力都係豐富嘅同埋直接嘅，就係大人太吝嗇去表達愛」、「小妹妹好惨（慘），媽媽點解同佢講句我愛你都咁難」、「好陰功，我女如果咁問，我一定抱實佢大叫『愛！最愛！心肝寶貝』咁樣」。
但亦有網民被該名女童的「港女式求愛」惹笑，「個阿媽好了解個女，知道一旦講咗『愛！寶貝！』...會𡃤嘢」、「係咪聽得多阿媽同阿爸嘅對話」、「似情侶嗌交多啲喎」。
資料來源：「生仔要考牌系列」FB
最新回應