自駕演唱會6000蚊套票光速售罄 鄭中基宣佈加場搵Joey Tang勤練歌

「Drive in Ultra Wee are Ronald Cheng 鄭中基自駕演唱會2021」門票今日（3月26日）正式公開發售，不足2小時車輛套票已光速售罄，主辦方隨即宣布加開4月23日的場次！

演唱會的主角鄭中基得知消息後表示：「今次係香港第一次做Drive In Show，係好新鮮嘅事，本身都有擔心觀眾嘅反應，依家加到場都好開心，要多謝大家支持。」雖然名為drive in show，但並非一定有車drive in先可以入場，Ronald直言：「初頭聽到好多反應話『如果冇車係咪冇得睇？』其實唔係！個show坐嘅觀眾位係多過車位嘅觀眾，導演本身做開戶外show，佢已經有經驗去計算車位同觀眾席觀眾，會睇到個台同三大幅LED MON嘅距離同角度，照顧每一位入場嘅朋友！」

距離演唱會舉行時間不足一個月，觀眾都好期待演唱會內容，Ronald透露已密鑼緊鼓籌備中，他說：「初步Rundown都定咗，不過每日練歌時，都總係會諗可以點樣細執有更好效果，早幾日約咗Joey Tang執歌同邀請嘉賓！今次個台好大，除咗練歌，都要跟教練去跑步練氣，操fit吓。」