【維港會】被指弄髒酒店地氈索償$3000 港女拍片未能證清白感委屈

受疫情影響，港人最近選擇「staycation」去酒店放鬆一下。近日有女網民於社交平台分享一次不愉快經歷，指酒店聲稱他們弄污房內地氈，要求賠償3000元，惟事主用盡方法都無法證明清白，對方又擺出愛理不理的態度，令她大感委屈。

女事主於「香港 Staycation 酒店交流谷」Facebook群組發文表示，3月16日與男朋友入住一間五星級酒店慶祝生日，並於17日下午退房。事隔32小時後，突然收到酒店的電郵指，他們弄髒了浴室前一塊地氈，要求3000元賠償。

女網民立即致電詢問詳情時，該酒店經理用訊息將涉事地氈相片發給女事主，相片中可見地氈上有一條彎曲及幼長的痕漬，女事主遂向經理解釋指以為只是地氈的花紋之一，更稱，「肉眼睇同地氈有啲似只喺深少少」。她指當時免麻煩到前台和客房部職員，故未有提出換房，而且當時曾有清潔人員入房清潔，亦沒有特別表示，令他們深信該痕漬為地氈花紋。

隨後女網民亦將當日拍攝的「Room Tour」影片予酒店，以證明清白，惟該影響使用了濾鏡，只隱約見到浴室前有一條痕，酒店就要求她給一條沒有使用濾鏡的影片證實清白。女事主無奈表示，「真喺無辦法我唔識還原條片」。

女事主表示，一直都有向他們詢問情況，惟對方擺出愛理不理的態度，「一喺唔覆訊息藍tick我，一喺就話俾我聽仲清潔緊個地氈，好似都唔想安撫個客嘅情緒，覺得想成件事就咁不了了之」，她更續指在整件事上感到十分委屈，「得我一個好努力咁還自己清白，搵埋朋友幫手調教d片嘅色等佢哋容易睇到」。

女事主及後再打去酒店跟經理跟進情況，對方回應，仍然在清理中，更稱找了兩間清潔公司仍然沒法清理痕跡。女事主亦反問，「由頭到尾得2個成年人喺房度又無帶寵物去，我地2個究竟用咩方法可以整到條痕咁深」，並斥「如果要我拍片證明自己冇整污糟間房，應該喺我check-in之前同我講定」，「如果其他客入住冇拍片咪硬食咗個3千蚊？」

貼文引起不少網民討論，有網民指日後住酒店一定要拍片證明清白，「以後住酒店要驗樓咁驗保障自己」，亦有人笑言，「原來買樓要驗樓，住酒店都要驗房」。

資料來源：香港 Staycation 酒店交流谷