【維港會】置業遭朋友取笑唔識享受人生 港男反撃：佢哋先真正喺慘

不少人視置業「上車」為終身目標，但求希望有一個安樂蝸。近日有網民於討論區指，被友人取笑他供樓為不懂享受人生，他卻毫不認同，更直言， 「其實佢哋先真正喺慘」！

有網民於「香港討論區」發文指，有朋友知道他成功「上車」，但被取笑指他不懂享受人生。樓主形容身邊30多歲的朋友，「樓都冇，月光族，又唔為自己打算」。面對友人的嘲笑，他亦直接反駁稱，「其實佢哋先真正係慘，只不過時間未到，佢哋唔知啫」。

帖文亦立即掀起網民熱論，有不少網民認同供樓總比租屋划算，更有人直指買樓其實只是「先苦後甜」，「延遲享樂啫，今日苦，將來就會輕鬆。短時間樓價可能會調整，但睇十年後對比返今日一定喺升。」，「供樓同交租嘅分別就係首期。交租直頭喺虛渡光陰就真」！

亦有網民表示，香港生活指數高，若為供樓而犧牲生活質素實不值，「供樓無問題，但喺為左供樓乜都要慳就慘啲，食又唔捨得食，玩又唔捨得玩，買又唔捨得。最慘喺差不多供完自己已經老了， 一生為地產佬貢獻」，「香港地普通基層要供樓好難量力而為，好多都係借盡九成再加擔保人。量力又供唔到，供到基本都要一半人工」。

資料來源：香港討論區