【維港會】女友鑽研廚藝變狂碌卡買廚具港男勸阻慘遭「詐型」

2021-04-04 14:41

不少男士都希望自己有一個「入得廚房，出得廳堂」的另一半，若對方主動鑽研廚藝，理應是件好事。不過有港男表示，女友近日正在學習煮食，卻瘋狂花他的錢購買廚具，更逼得廚房內寸步難行。港男曾勸女友不要再買，對方則指責他「小器」，令他感到相當無奈。

有男網民在「香港討論區」上，以「女朋友咩都買買買，搞到廚房都冇位放野（嘢）！」為題發文，指自己的女友近日正學習下廚，起初他並無阻止，直至對方越買越多「架生」，光是煎Pan就有不同大小及款式，之後女友更提出要購入焗爐及多士爐等。

樓主表示，家中廚房本已不大，女友卻不懂善用空間，又不懂購買多功能料理用具，前後購入10至20款廚具後，已令該處「冇位放任何嘢」，而且「轉個身都難」。他批評對方買完後又不常使用，用後亦不會清理，質疑對方只是想滿足購物慾，又指購買廚具的開支全由他一人承擔，曾開門見山地勸女友「買少啲」，怎料卻遭對方「詐型」指他小器，致問題遲遲未解決。

帖文引起網民熱議，不少人都紛紛獻計「拯救」樓主，「你將佢閒置好耐好耐唔用嘅廚具放二手賣咗佢啦，如果太多重覆嘅用途就留一個好喇」、「如果女朋友真係一時貪得意愛上整野食，樓主可以買嗰啲多功能煮食bowl畀佢慢慢玩」、「留意下係咪收埋晒唔記得有個樣嘢，睇唔到以為冇就會再買」。

資料來源：「香港討論區」